Kurs og seminar 2006

med Johan Galtung, Håkan Wiberg og Jan Øberg.

Jondal i Hardanger

18. august: Nye veier i fredsarbeidet (konferanse)
19.-20. august: Hardangersymposium
21.-25. august: Etterutdanning i fredsforståelse (intensiv kursserie)

I 2005 blei Nordisk Fredsakademi i Jondal etablert. Seinsommar 2006 vil dette bli markert med ein konferanse for å visa nye mogelegheiter i fredsarbeidet, og ei kursrekke med etter- og videreutdanning innan konfliktforståing og kompetanse i konflikthandtering. Kursrekka er lagt i forlenginga av Hardangersymposiet – som i 2006 går av stabelen laurdag 19. og sundag 20. august i Herand, sjå http://www.hardangersymposium.net. Fredsakademiet si 2006-satsing er eit samarbeid mellom Jondal kommune, Høgskulen Stord/Haugesund og TRANSCEND Nordic.

Førelesarane held eit høgt internasjonalt nivå:

• Professor, dr hc mult Johan Galtung, TRANSCEND Peace University
• Professor, dr Håkan Wiberg, DIIS, København
• Dr Jan Øberg, TFF, Lund

Målgruppe

Konferansen, fredag 18. august, er meint å vera ei inspirasjonskjelde til alle som er opptekne av fredsarbeid, men som meiner det må vera mogeleg å gjera meir enn å protestera og demonstrera.

Konferansen vil visa aktive, positive mogelegheiter, og gje forslag til satsing på ulike samfunnsområde.

Kursa (21.–25. august) eignar seg særleg godt for personar innan utdanningssystemet. Sidan dialog og kreativitet er sentrale fokus i TRANSCEND-metoden, har det også vist seg å gje viktige bidrag i næringslivet. Kursa er er opne for alle som ynskjer å auka kompetansen på tema som dialog, kommunikasjon, kreativitet, mekling, forsoning, djupkultur, djupstruktur, historie, matematikk, drama og effektivt samspel. Me jobbar med å få studiepoeng for kursa.

Overnatting

Mange gode mogelegheiter – nærare informasjon om dette seinere, eller gå inn på heimesida til Jondal kommune (http://www.jondal.kommune.no) og sjå dei ulike tilboda.

Prisar

• Konferansen fredag 18. august: kr 500.
• Kursveka (4 kurs) 21.-25. august: kr 2.400.

Det er også mogeleg å delta på eitt eller fleire einskildkurs. Dette kan vera aktuelt for dei som ikke har høve til å fylgja kursa på dagtid, men vil delta på kveldskurset – eller du ynskjer å kombinera eit av kursa med fritidsaktivitetar i dei flotte naturomgjevnadene i Hardanger.

• Einskildkurs: kr 700.
• Fellespris for konferanse og kursa: kr 2.600.

I prisen er inkludert ein enkel lunsj og kaffi/te.

For både kropp og sjel…

Med ei så tettpakka kursveke og mykje å bryne hjernen på – er det ein stor fordel at Jondal har så mange og gode mogelegheiter for rekreasjon/oppladning. Naturen innbyr til å røra seg utandørs, og ein legg og opp til sosiale møteplassar som middag på Hardanger Gjestegard med innlagt sidersmaking, vitjing på Hardanger kulturgalleri, natursti, blåisvandring eller skiaktivitet på Folgefonna med meir. Nærare informasjon seinare.

Påmelding

For tidleg påmelding, send mail til per.eikeland (a) jondal.kommune.no eller ta kontakt på torsdagane på tlf. 53 66 95 01.

Fredag 18. august: Nye vegar i fredsarbeidet

09.30–11.30: Konfliktløysningar, professor Johan Galtung
Mogelege vegar, løysningsorientering, alternativ.
12.00–13.45: I staden for rettssak, advokat Paul Rynning
Konflikt-transformasjon med megling og forsoning for rettshjelparar.
14.00–15.30: Konfliktkompetanse i skulen, prosjektleiar Synøve Faldalen
Undervisning i konflikthåndteringskompetanse i grunnskule og vidaregående.
16.00–17.00: Konfliktkompetanse i næringslivet
Konflikt-transformasjon med megling og forsoning i næringslivet.
18.00–20.00: Kunst, musikk og fred. Presentasjon av «Songs without borders».
Idear til barnebøker, drama som metode, teori om kunst og fred.

19.–20. august: Hardangersymposium

Sjå http://www.hardangersymposium.net

21.–25. august: Etterutdanning i fredsarbeid

Kvart kurs går på same tid gjennom heile kursveka. Omfang per kurs: 2 timar x 5 = 10 timar.

1) 09.15–11.00 Mekling, forsoning, djupkultur og djupstruktur

Professor, dr hc mult Johan Galtung, TRANSCEND Peace University (Omfang 2t x 5 = 10 timar).
Fyrste dag: Innføring i ein generell modell for konfliktprosessar som knytter saman dei fire omgrepa mekling, forsoning, djupkultur og djupstruktur. Det vert lagt vekt på å synleggjera mogelege intervensjonspunkt.
Dei neste fire dagane: Ein dag for kvart av hovudomgrepa. Som eksempel nyttar han konfliktar på mikro, meso, makro og mega-nivå frå forelesaren sitt eige praksisområde.
Litteratur: Kurset byggjer på «Både og – en innføring i konfliktarbeid» som har 40 case-studie.
Deltakarane vert inviterte til å leggja fram eigne case. Meir bakgrunnsmateriale vert lagt fram på kurset.

2) 11.15–13.00 Empiriske tilnærmingar til fredsstudie

Professor, dr Håkan Wiberg, DIS, København (Omfang 2t x 5 = 10 timar).
Kva for empiriske kunnskapar har vi om fred og krig? Kurset vil ta for seg tema som statistikk på væpna konfliktar, våpenkappløp og krig, og tilnærmingar til konfliktløsning.

3) 14.00–15.45 Unytta fredsmogelegheiter

Dr Jan Øberg, TFF, Lund (Omfang 2t x 5 = 10 timar).
Er politikarane i stand til å oppdage dei fredsmogelegheitene som oppstår? Kurset vil ta for seg forhistorien til krigane i og over Jugoslavia, og om og i Irak – med dei unytta fredsmogelegheitene som perspektiv.

4) 17.00-19.00 Matematikk, konflikt og fred (for matematikklærarar og andre)

Professor, dr hc mult Johan Galtung, TRANSCEND Peace University (Omfang 2t x 5 = 10 timar).
Best kjent på grunnskolenivå er matematikk for kjøp og sal (aritmetikk) og matematikk for landeigedom (geometri). Ein matematikk for fred må hjelpast fram. Deler av fredslæra kan speglast matematisk:

• Partal, oddetall og primtall: Kamelar og Goldbach
• Statistikk for makt og privilegium: Vekst/fordeling, 20/20 ratar
• Konfliktformasjoner: Mengder, produktmengder, matrisar, kombinatorikk
• Strukturell vold: Grafer, posisjonstall, pyramider, horisontalisering
• Polarisering: Grafer, grad av polarisering, avpolarisering
• Harmoni: Sjølvlikskap, grad av isomorfi
• Konfliktløysing uten transformasjon: Spillteori, Schelling, Nash
• Konfliktløsning med transformasjon: Kaosteori, katastrofeteori