Vedtekter

1. Formål.

Nordisk fredsakademi (NFA), lokalisert til Jondal kommune, er ein ideell allmennyttig foreining som har som hovudmålsetjing å driva undervisning og informasjon om fred og konfliktløysing for å medverka til fredeleg sameksistens mellom menneske og nasjonar.

2. Medlemskap.

Einskildpersonar, organisasjonar og bedrifter kan vera medlemar i NFA mot å betala ein årskontingent som vert fastsett på årsmøtet. Oppstartskontingenten vert kr 100 per person og kr 500 per organisasjon/bedrift.

3. Årsmøtet.

Årsmøtet skal haldast annankvart år innan 01.06. og er NFA sitt høgaste organ. På årsmøtet har personmedlemer 1 røyst og organisasjonar/bedrifter 5 røyster kvar. Årsmøtet skal handsama fylgjande saker:

• 2-årsmelding
• 2-årsrekneskap
• 2-årsbudsjett
• Val av styremedlemer og varamedlemer
• Val av leiar
• Val av revisor
• Eventuelle endringar av vedtektene
• Andre saker som vert fremja av medlemene for styret innan 30.03. i valperioden

4. Styret.

Styret skal ha minst 3 medlemer og varamedlemer. Styret har ansvaret for den daglege drifta av NFA mellom årsmøta.

5. Vedtekter.

Endringar av vedtektene skal godkjennast av årsmøtet. Framlegg til endringar skal fyrst handsamast i styret.